ډید خبري اژانس: د قطر د نړیوالو همکاریو د وزیر لولوه الخاطر او د سویډن د نړیوالو پراختیایي همکاریو او بهرنۍ سوداګرۍ د وزیر جوهان فوسل تر منځ د خبرو اترو د بحث محور افغانستان و.
د قطر د بهرنیو چارو وزیر په خپله ایکس پاڼه کې لیکلي چې دا غونډه د شنبې (د جوزا ۵ مه) وشوه.
هغه وویل، «موږ د غزې، افغانستان او اوکراین په اړه ګټورې خبرې وکړې او دا چې څنګه کولای شو د بشري مرستو او پراختیا د ملاتړ لپاره ګډ کار ته دوام ورکړو».
لولوه الخاطر د قطر د حکومت د اوسنۍ کابینې دویمه ښځینه غړې او په افغانستان کې د نجونو د تعلیم له ملاتړو څخه ده.
تر دې مخکې یې له بهرنیو دیپلوماتانو سره په کتنو کې څو ځلې د افغان نجونو پر حق چې زده کړو ته لاسرسی درلود ټینګار کړی و.
