ډید خبري اژانس: د افغانستان سرپرست حکومت پر یمن د امریکا او برتانیې وروستیو هوايي بریدونو ته په غبرګون کې ویلي، د دغه هېواد بمباریو سیمه له ګواښ سره مخ کړې ده.
سرپرست حکومت د شنبې په ورځ (۲۲جدي) په یوه بیان کې ویلي، د یمن بمباري له نړیوالو قوانینو ښکاره سرغړونه ده او په سیمه کې د شخړو د لا زیاتې پېچلتیا لامل دی او د یمن او منځنی ختیځ امنیت او ثبات یې له ګواښ سره مخ کړی دی.
خو په دې اعلامیه کې ټینګار شوی چې امریکا او ملګري یې باید له خپلو تېرو سرغړونو او ناکامیو زده کړي.
په بیانیه کښې زیاته شوې: د سیمې او نړۍ نفوذ لرونکی حکومتونه په غزه کښې د صهیونیسټ رژیم له خوا د فلسطینیانو د نسل وژنې په بندولو کښې نه دی توانیدلی او په دې برخه کښې د موثرو اقداماتو نشتوالی د دې سبب شوی دی چې دغه جنګ نورو هیوادونو او سیمې ته خپور شی.
د دوی په وینا، «په یمن باندې د برید لپاره د اسراییلو د جنایتونو ملاتړ ټول غیر انساني، پارونکي او د مسلمانو هیوادونو په وړاندې مستقیم تیری دی».
خو طا-لبانو له اسلامي هېوادونو غوښتي چې د فلسطين ملاتړ وکړي او يادونه يې وکړه: «په داسې حساسو شرايطو کې خپل کوچني اختلافات يوې خواته کړئ».
په بیانیه کښې زیاته شوې ده: مونږ له نفوذ لرونکو هیوادونو څخه غواړو چې په سیمه کښې د لا زیاتې بې ثباتۍ د مخنیوي لپاره له یو بل سره همکاري وکړي او په صهیونیسټ رژیم (اسرائیل) او د هغه په ملاتړو باندې هر ډول فشارونه زیات کړي څو د فلسطین د خلکو د وژلو سمدستي ودریږئ او په یمن باندې د حملو مخه ونیول شي.
