آلمان د افغان کډوالو د ایستلو لپاره پر نوې طرح باندې کارکوي
دید خبرې آژانس: الماني رسنیو راپور ورکړی چې، د دغه هېواد دولت، د ازبیکستان له لارې د افغان کډوالو د ایستلو لپاره له ازبیکستاني چارواکو سره د خبرو اترو په حال کې دي.
د دغو رسنیو د راپور له مخې، د جرمني حکومت له اسلامي امارت سره له مستقیمې مشورې پرته له ازبیکستان سره پر دغې طرحې کار کوي.
د کډوالو د حقونو فعال محمد خان طالبي احمدزی وايي:«د دغه هېواد د فډرال دولت پرېکړه او له درېیم هېواد، یعنې د پاکستان او ازبیکستان له دولتونو سره سلامشورې شوي، دا د بشري حقونو څخه څرګنده سرغړونه او د نړۍوالو کنوانسیونونو پر خلاف دي. د المان فډرال دولت باید د دغې موضوع په تړاو غور وکړي.»
اسلامي امارت هم د دې مسئلې له رابرسرېدو وروسته ویلي چې، په جرمني کې د ځینو افغانانو کړنې شخصي موضوع ده او باید له دغه هېواده د نورو افغانانو د ایستلو لامل نهشي.
د افغان کډوالو او نورو هېوادونو د کډوالو د ایستلو بحث له هغې وروسته ګرم شو چې، یوه افغان د اسلامي ضد غورځنګ لخوا په جوړه شوې مظاهره کې د یوه پولیس افسر په ګډون څو کسان ټپیان کړل چې، دغه پولیس افسر له ټپي کېدو وروسه ساه ورکړه.
