ملګرو ملتونو په افغانستان کې د پاکو اوبو د برابرولو لپاره عاجله غوښتنه
د دید خبري اژانس: د راستنیدونکو کډوالو مخ په زیاتیدونکي شمیر او په هغو ځایونو کې ژوند کول چې زیربنا نلري، پاکو اوبو ته لاسرسی په افغانستان کې یو له جدي ننګونو څخه ګرځیدلی دی.
د ملګرو ملتونو د بشري میشت ځایونو پروګرام د یکشنبې په ورځ، د میزان په ٢٧مه، په خپله ټولنیزو رسنیو پاڼه کې په یوه رسمي اعلامیه کې اعلان وکړ چې په افغانستان کې د اوبو بحران د اندیښنې وړ مرحلې ته رسیدلی او د پاکو اوبو ته د نړیوال لاسرسي ډاډ ترلاسه کولو لپاره ټولې هڅې باید وشي.
نړیوال سازمان ټینګار وکړ چې افغانستان ته ډیری راستنیدونکي په غیر رسمي میشت ځایونو کې ژوند کوي چې مناسب زیربنا نلري، چیرې چې د څښاک د پاکو اوبو په ګډون اساسي اسانتیاوې شتون نلري.
په ورته وخت کې، د ملګرو ملتونو د ماشومانو وجهي صندوق (یونیسف) خبرداری ورکړی چې که اوسنی وضعیت دوام وکړي، کابل ممکن تر ۲۰۳۰ پورې له بشپړې وچکالۍ او د اوبو له کمښت سره مخ شي.
ملګرو ملتونو په نړیواله ټولنه او مرستندویه ادارو غږ کړی چې په افغانستان کې د اوبو د کمښت د مخ په زیاتیدونکي بحران د حل لپاره بشري مرستې زیاتې کړي.