شهباز شریف: طالبان د ترهګرو ډلو پر وړاندې عملي اقدام وکړي
د دید خبري اژانس: په ملګرو ملتونو کې په خپله وینا کې، د پاکستان صدراعظم پر طالبانو غږ وکړ چې په افغانستان کې د ترهګرو ډلو د فعالیتونو د مخنیوي لپاره عملي ګامونه پورته کړي، په ځانګړې توګه د پاکستان پر وړاندې.
شهباز شریف: طالبان د ترهګرو ډلو پر وړاندې عملي اقدام وکړي
د ملګرو ملتونو په عمومي اسامبله کې د خپلې وینا پر مهال، د پاکستان صدراعظم شهباز شریف پر سرپرست حکومت غږ وکړ چې د هغو ترهګرو ډلو پر وړاندې اغیزمن اقدامات وکړي چې د افغانستان خاوره د پاکستان پر وړاندې د بریدونو لپاره د اډې په توګه کاروي.
د پاکستان صدراعظم وویل چې د تحریک طالبان پاکستان او بلوچستان د آزادۍ غورځنګ په څیر ډلې له افغانستان څخه د خپلو پټنځایونو او عملیاتو د اډې په توګه کار اخلي.
هغه زیاته کړه چې دا ډلې په پاکستان کې د ځینو خونړیو بریدونو مسؤلې دي او باید ژر تر ژره ورسره جدي چلند وشي.
شهباز شریف هم ټینګار وکړ چې طالبان باید ډاډ ترلاسه کړي چې د افغانستان خاوره به د هیڅ هیواد پر وړاندې ونه کارول شي.