۱۰ هېوادونه د فلسطین د دولت په رسمي توګه په رسمیت پېژندلو ته چمتو دي
د دید خبري اژانس: فرانسوي سرچینو په دې اونۍ کې د فلسطین د خپلواک دولت په رسمي توګه د پیژندلو لپاره د ۱۰ هېوادونو د ګډې پریکړې اعلان کړی دی.
۱۰ هېوادونه د فلسطین د دولت په رسمي توګه په رسمیت پېژندلو ته چمتو دي
د ایلیسي ماڼۍ د یوې سرچینې په وینا، د کاناډا، آسټرالیا، پرتګال، بلجیم، مالټا، لوګزامبورګ، سان مارینو، اندورا او فرانسې هیوادونه به د یو بل هیواد سره یوځای د دوشنبې په ورځ په نیویارک کې د ملګرو ملتونو په مرکزي دفتر کې د فلسطین په اړه د نړیوال کنفرانس په جریان کې په رسمي ډول دا اقدام اعلان کړي.
دا کنفرانس به د فرانسې او سعودي عربستان په ګډه مشري وکړي او تمه کیږي چې د فلسطین د نړیوال دریځ د پیاوړتیا او د اشغال د پای ته رسولو لپاره د صهیونیسټ رژیم باندې د فشار راوړلو لپاره یو مهم ګام وګڼل شي.
دا پرمختګ په داسې وخت کې راځي چې په وروستیو میاشتو کې د فلسطین د پیژندلو نړیواله څپه ګړندۍ شوې ده، او ډیری اروپايي او آسیایي هیوادونه هم د دې اقدام د ملاتړو په لیکو کې شامل شوي دي.
دا په داسې حال کې ده چې رویټرز خبري اژانس د جاپاني ورځپاڼې اساهي په حواله راپور ورکړی چې متحده ایالاتو د ډیپلوماتیک فشار له لارې د جاپان حکومت دې ته اړ کړ چې د فلسطین په رسمیت پیژندلو لاس واخلي.