د جرمني پلاوی کابل ته راځي؛ د مجرمو افغان کډوالو اخراج په اجنډا کې دی
د دید خبري اژانس: په قطر کې د سرپرست حکومت استازو د جرمني چارواکو سره لیدلي او د افغان کډوالو د اخراج لپاره د رسمي میکانیزم په جوړولو یې بحث کړی دی. د جرمني حکومت هم ټاکل شوې ده چې په دې اړه کابل ته یو پلاوی واستوي.
د جرمني پلاوی کابل ته راځي؛ د مجرمو افغان کډوالو اخراج په اجنډا کې دی
جرمني په ۲۰۲۱ کال کې د طالبانو له واک ته رسیدو او د متحده ایالاتو له چټک وتلو وروسته د افغان کډوالو اخراج بند کړ. خو تېر کال بندیز لرې شو، که څه هم د کډوالو د راستنیدو پروسه محدوده پاتې شوه.
د جرمني ورځپاڼې بیلډ په وینا، برلین اوس هڅه کوي چې د اخراج پروسه “ډیره اسانه، منظمه او پراخه” کړي او د چارټر الوتنې د منظمو الوتنو سره بدله کړي.
دا پریکړه د ۲۰۲۴ کال په اګست کې د سولینګن ښار په یوه فستیوال کې د چاقو له وژونکي برید وروسته وشوه؛ هغه برید چې درې کسان یې ووژل او اته نور یې ټپیان کړل.
د جرمني د پولیسو د رسمي معلوماتو له مخې، د ۲۰۱۵ او ۲۰۲۴ کلونو ترمنځ، په جرمني کې له ۱۰۸۰۰۰ څخه زیات جدي جرمونه ثبت شوي چې لږترلږه یو افغان پکې شامل و.
همدارنګه، د ۲۰۲۴ کال تر پایه پورې، شاوخوا ۴۶۱۰۰۰ افغان اتباع په جرمني کې ژوند کاوه، چې په کې ۳۴۷۶۰۰ پناه غوښتونکي شامل وو.
د کډوالو او پنا غوښتونکو لپاره د جرمني فدرالي دفتر (BAMF) سږ کال په دوبي کې اعلان وکړ چې شاوخوا ۱۱۵۰۰ افغانان چې په هېواد کې ژوند کوي د استوګنې حق نلري او د شړلو تابع دي.
د جرمني چارواکو تر اوسه د طالبانو له ملاتړه برخمن حکومت سره رسمي اړیکه نه ده تایید کړې.
د ۲۰۲۴ کال په اګست کې، جرمني ۲۸ افغانان په چارټر الوتنو کې افغانستان ته راستانه کړل، او د ۲۰۲۵ کال په جولای کې، نور ۸۱ کسان، چې ټول یې په جنایي جرمونو محکوم شوي وو.